Artigo 4.- O obxecto ou fin primordial da Fundación é:

a) Recompilar, estudiar, salientar e divulgar a obra literaria, cultural e mesmo humana de don Ramón María del Valle-Inclán.
b) Crear a <Ruta Valle-Inclán> de interese cultural e turístico, que abranguerá, inicialmente, os seguintes concellos: Vilanova de Arousa, Pontevedra, A Pobra do Caramiñal, Cambados e Santiago de Compostela.

TÍTULO II. MEMBROS

Artigo 5.- Os integrantes da Fundación poden ser Fundadores, Adheridos e de Honra.
Son membros Fundadores as persoas que constituíron a Fundación, é dicir, os asinantes da Carta Fundacional. A condición de membro fundador será de por vida.
Con posterioridade ao outorgamento da carta Fundacional, poderán adherirse á Fundación aquelas entidades ou persoas físicas que soliciten a adhesión e esta lles sexa aceptada polo Padroado, sempre que teñan feita a contribución fixada polo mesmo.
O acordo de adhesión e incorporación dun novo membro esixirá a mayoría de 2/3 do padroado.
O Padroado poderá nomear Membro de Honra a persoas físicas ou xurídicas que contribuiron ou contribúen de modo salientable á consecución dos fins fundacionais.